Muaji i Internetit te Sigurt

Të komunikosh dhe të bashkëveprosh i sigurtë nëpërmjet përdorimit të internetit, tashmë në ditët e sotme është një sfidë si për fëmijët ashtu edhe për të rinjtë.

 Muaji shkurt I dedikuar ndërgjegjësimit mbi përdorimin e internetit të sigurtë, ka qënë I mbushur me aktivitete informuese dhe sensibilizuese, ku ndër to një rëndësi të veçantë kanë patur takimet me fëmijët në shkolla.

Së fundmi, në bashkëpunim me Njësinë e Mbrojtjes së Fëmijëve në Bashkinë Kamëz, është realizuar një takim në shkollën 9 vjeçare “Arbëria”, ku fëmijët nëpërmjet teknikave të ndryshme, bashkëbisedimit dhe role play janë informuar dhe ndërgjegjësuar mbi rreziqet e mundshme që vijnë nga përdorimi I internetit në moshë të mitur dhe u promovua siguria dixhitale, sesi të jenë të kujdesshëm apo të identifikojnë dhe të raportojnë në format e duhura në rast rreziku .

 Ky aktivitet u zhvillua në kuadër të ndërhyrjes “Zhvillimi i qëndrueshëm i shërbimeve komunitare për fuqizimin e grupeve në disavantazh në Bashkitë Tiranë dhe Kamëz”.

#SHKEJpërfëmijët

#QKEpërfëmijët

#siguriadigitale

#internetisigurtë